Kynjoh ka East Jaintia Hills Distrik sha ka 1, 03, 960 tylli ha ka ka jingsam ïa ki EF sha ki paidbah

Khliehriat naitung 27: Ka ophis jong u District Election Officer East Jaiñtia Hills District, ka pyntip ba ka Special Intensive Revision (SIR), 2026 ha East Jaiñtia Hills District ka la poi mynta ha ka bynta kaba kut lane ka Final Phase kaba pynshlur ïa baroh ki paidbah ban mih shakhmat, ha kaba kat haduh mynta ka sngi ka 27 tarik u naitung 2026 ka la poi haduh 1, 03, 960 ka jingsam ïa ki Enumeration Forms sha ki paidbah nongshong shnong ka la kynjoh sha ka 1,03,960 tylli ki form.
Shuh shuh ka la poi haduh 99.56% ka jingsam ïa ki form sha ki nongshong shnong hapoh ka district bad ki la don haduh 1, 04, 417 lak ngut kiba la pynrung kyrteng lane registered ialde kum ki nongthep vote, ki la don 93,681 tylli ki Enumeration Forms (89.72%) kiba la leh lyngba ka digitized katba 93,672 tylli ki forms (89.71%) la leh bad pynshisha da ki Booth Level Officers (BLOs).
Hapoh ka 5-Sutnga Saipung (ST) Assembly Constituency la lah ban sam haduh 51,952 tylli ki Enumeration Forms kaba la kynjoh haduh 99.99% bad 46,297 tylli ki form la leh lyngba ka digitized kaba la kynjoh haduh 89.11%, ki la don 46,296 tylli ki form kiba la dep ban pynshisha ba la kynjoh haduh 89.11%.
Hapoh ka 6 -Khliehriat (ST) Assembly Constituency, la sam 52,008 tylli ki Enumeration Form ba la kynjoh sha ka 99.14%, ha kaba 47,384 tylli ki forms la leh lyngba ka digitized (90.32%) bad 47,376 tylli ki forms la dep pynshisha (90.31%).
Ha kane ka Final Phase jong ka Special Intensive Revision (SIR), 2026, ha East Jaiñtia Hills District la ioh pynrung kyrteng haduh 1,04,417 ngut ki nongthep vote (Total Electors) ha kaba 1,03,960 tylli ki EFs la lah ban sam ba la kynjoh haduh 99.56%, kumjuh ruh 93,681 (89.72%)
Kiba leh lyngba ka Efs Digitized bad 93,672 (89.71%) tylli la lah ban pynshisha, kane ka Final Phase ka kynthup 51,956 ngut ki nongthep vote kiba napoh ka 5-Sutnga Saipung (ST) bad 52,461 ngut kiba napoh ka 6-Khliehriat (ST),.
Ha ka 5-Sutnga Saipung (ST) ki la doh 51,952 (99.99%) ngut la leh lyngba ka EFs form ba la sam sha ki bad 46,297 (89.11%) la leh lyngba ka digitized ha kaba 46,296 (89.11%) la dep pynshisha (Efs Verified), katba hapoh ka 6-Khliehriat (ST) 52,008 (99.14%) tylli ki form ba la leh lyngba ki form ba la sam sha ki bad 47,384 (90.32%) pat la leh lyngba ka digitized, ki la don baroh 47,376 (90.31%) tylli ki form kiba la dep pynshisha (EFs Verified)
Na ka liang ka ophis jong u District Election Officer East Jaiñtia Hills District ka pyntip sha ki paidbah ba ka dang don ka por sa tang ar sngi hashwa ka jingleit jurip sha ki thliew ïing lane House-to-House Verification ban pynshisha ki nongthep vote bad kane kan kut ha ka 29 tarik mynta u bnai naitung 2026, ka ophis ka kynthu ruh ba lada don mano mano ba khlem pat ioh pdiang ïa ki Enumeration Form bad kiba khlem pat pynpoi ïa ki form kin sngewbha ban pyntip mar mar sha ki Booth Level Officer (BLO) lane ki lah ban wan mih sha ka SIR Help Desk kaba doh ha ophis u Deputy Commissioner, East Jaiñtia Hills District.
Shuh shuh ka ophis jong u District Election Officer ka kyntu ruh ïa ki Dorbar Shnong, ki bor pyniaid shnong, ki nongialam shnong, ki khynhun jong ki samla lane youth organisations, ki kynhun Self-Help Group ba kin sngewbha ban pynsaphriang ïa kane ka khubor sha baroh ki nongshong shnong ban pyntikna ba baroh ki nongthep vote ki la dep pyndep lut ïa ki kam ha shwa ka sngi ba kut kata hashwa ka 29 tarik u naitung, ka ophis jong u District Election Officer ka pan ïa ka jingiatreilang khnang ban wanrah ïa ka jingiaid beit ïaid ryntih kaba khlem don ka jingbakla ha ka thup kyrteng jong ki nongthep vote bad ban pynlong ïa ka district kaba khlem iehnoh shadien iwei ruh I nongthep vote.