La pynjari ka DC ia ka kyndon ain 144 CrPC ban khang iaid trok ba kit palat 15 MT na jingkieng Dam

Shillong, Naiwieng 4 : Ka District Magistrate jongka East Khasi ka kong Rossetta Mary Kurbah ka la pynjari ïa ka kyndon aiñ 144 CrPC ban pyrkhing ïa ka jingïaid ki trok kit mar na ka jingkieng Dam. Kane ka jingpynjari kan treikam naduh ba pynmih ïa kane ka hukum kata naduh ka Sngi Thohdieng ha kaba la khang ïa ki kali ba kim lah ban kit palat ïa ka 15 MT bad kiba kit palat ïa ka 15 MT ki hap ban ïaid na Shillong By Pass lyngba ka Mawryngkneng ban wan sha Shillong ne leit sha kiwei ki district.
Kane ka hukum kan treikam noh mar mar bad tad haduh ban da pynbna da kumwei pat.