La pyndep ïa ka jingpynbeit thymmai ïa ki shnong na ka bynta ka MDC constituency ha WKH
Nongstoiñ Nohprah 16: Ka Dellimitation Committee kaba la thung da ka Excecutive Committee jong ka Khasi Hills Autonomous District Council na ka bynta ban pynbeit thymmai ïa ki shnong na ka MDC election kaba la khlieh da u Dr. S.Kharsyiemlieh Nongbishar ba la shongthait jong ka District Council kum u Chairman ryngkat ki dkhot ba kynthup ïa u Dr.S.L.Marbañiang Ex MLA ,Mrs R.Myrboh Nonghikai ba la shong thait, Dr. D.R.L Nonglait Proffessor Dept of Khasi jong ka skul bah NEHU, Mr .M.Kharkrang secretary barim ka KHADC mynta ka 15 tarik Nohprah ki la hiar sha Nongstoiñ ban pynlong ïa ka jingpynsgew paitbah ha kaba iadei bad ka jingpynbeit thymmai ïa ki shnong na ka bynta ki MDC constituency.
Ïa katei ka jingpynsgew paitbah na ka bynta ki lai tylli ki constituency ha West Khasi hills ka Nongstoiñ , Rambrai Jyrngam bad ka Mawshynrut la pynlong ha ka ophis jong ka KHADC kaba don ha Spengthawlangmlah.Ha katei ka jingpynsgew paitbah ki la don haduh khyndai tylli ki kynhun na ki shnong bapher bapher kiba hap ha kitei ki lai tylli ki constituency kiba la wan ban ai ïa ka jubab jong ki.
U Dr.S.Kharsyiemlieh haba ïa kren bad ki ongthohkhubor hadien ba la kut ka jingpynsgewpaitbah u la ong ba ka jingwan jong ki ban pynbeit thymmai ïa ki shnong ka dei namar ba ka Excecutive Committee ka la btah ïa ki ba kin pynkloi katba lah ban pyndep ïa ka jingpynsgew paitbah.
Nalor kata u la ong ruh ba ka jingpynbeit ka long namar ba ki don ki shnong kiba ha ka MLA ki hap ha kawei ka constituency bad ha a MDC pat ki hap ha kawei pat ka constituency.
Nalor kata u la ong ba ki don ki shnong kiba ki constituency bad ki Block ophis ki ia pher kumta ban pynsuk ïa ki paitbah ha ka por election ki hap ban pynbeit ba ki dei ban hap lang ha kajuh ka constituency ha ka MLA bad ha ka MDC khnang ban suk haba ki don kam.
Haba kylli pat la ka jingphiah noh ïa ki MDC cosntituiency na ka bynta ban pynbun ïa ki MDC seat ka lah ne am ban ur long u Dr Kharsyiemlieh u la ong ba ïa katei ka mat kin ym lah ban tip namar ka dei ka Excecutive Committee jongka District Council kaba la thung ïa ki kum ki dkhot jong ka delliomitation committee bad ka la bthah ruh ba katei ka committee kadei ban pyndep kloi katba lah ban ba kan phah ïa ka kaiphod sha ka EC kloi katba lah.
U la ong ruh ba baroh kiba la wan ban ai jubab ha katei ka sngi kim don kano kano ka jingpyrshah ha kaba ïadei ban ka jingpynhap lang ïa ki shnong ha ka MLA bad MDC coinstituency.