Nongpoh Rymphang 08: U Deputy Commissioner (S) u la pyntip bad pynbna paitbah ba ïa u khaw AAY, PHH, NON-NFSA ba dei jong u bnai Rymphang 2024 la pyllait sha baroh ki dukan rashon (Fair Price Shop) hapoh Ri Bhoi District, ha kaba ïa u khaw AAY, uba ym donkam ban siew dor la pynmang 35 kilo shi iing na ka bynta kito kiba don ïa ka Card AAY, u khaw PHH u bym donkam ban siew dor, la pynmang 5 kilo shi khlieh briew, ïa u khaw NON-NFSA la pynmang 7.215 kilo shi iing na ka bynta kito ki longïing kiba don ïa ka Card Non-NFSA, ha ka dor Rs.10.82p shi kilo.
Na ka bynta kito ki longïing ki bym don card rashon lane kiba kum pynjah ïa ki Card AAY, PHH hynrei kiba don kyrteng ha ka list ba la ai sha ki Fair Price Shop dealer na ka ophis, ki lah ban shim ïa ka bhah kaba la mang sha ki.
Baroh ki Wholesaler ki dei ban pynpoi ïa u khaw sha ki dukan jong ki Fair Price Shop Dealer katkum ka Section 24 jong ka National Food Security Act, 2013. Lada lap ba ki Wholesaler ne Fair Price Shop Dealer kiba shim pisa ne ot kilo, kin shah pynshitom katkum ka Section 7 jong ka Essential Commodities Act, 1955 bad katkum ka Section 3 jong ka Prevention of Black Marketing and Maintenance of Supplies of Essential Commodities Act, 1980. La bthah ruh ïa baroh ki Fair Price Shop Dealer ba ki dei ban pyndonkam da ki e-POS Machine.
