Khliehriat Lber 21: U Deputy Commissioner (Supply), East Jaiñtia Hills District, ha ka khubor ba u phah, u pynbna paidbah ba la pyllait ïa ia u Khaw Ration NFSA na ka bynta u bnai lber, 2023 ha East Jaiñtia Hills District.
Ïa u Khaw AAY yn sam 35 kilo shi ïing, shibnai khlem da donkam ban siew eiei (Free of Cost), ïa u Khaw PHH yn sam 5 kilo shikhlieh shibnai khlem donkam ban siew eiei (Free Of Cost), katba ïa u Khaw Non- NFSA pat yn sam 7.215 kilo shiïng- shibnai haka ka dor Die Lang ka ba long T 12.00/- tyngka shi kilo bad ka dor Die Khutia ka bym dei ban palat ia ka T 14.00/- tyngka shi kilo.
Kumta, la kyrpad ïa ki paidbah ba lada ki lap ba ki FPS Dealer hapoh ki center ki shim da ka dor ïa u Khaw ba don ïa ka Card Ration AAY bad PHH lait noh ïa ka Card Ration Non- NFSA kumba la bthah ne kdew haneng, ki dei ban wan ujor sha u Deputy Commissioner (Supply), ka East Jaiñtia Hills District lane phone sha u Toll free No. 1697, lane sha u District Grievances Officer ka East Jaiñtia Hills District.
