Jowai, Nailur 09: U Deputy Commissioner (Supply), West Jaiñtia Hills ula pyntip paidbah ba ïa u khaw NFSA (AAY, PHH) bad Non-NFSA na ka bynta u bnai September 2023 la pyllait sha baroh ki dukan die rashon hapoh ka District naduh ka 11th September haduh ka 22nd September 2023.
Ïa u khaw Antyodaya Anna Yojna (AAY) yn sam ha ka jingthew kaba 35 kg kawei ka AAY FI Card khlem kano kano ka jingsiew dor ha sor bad nongkyndong.
Ïa u khaw Priority Household (PHH) yn sam ha ka jingthew kaba 5 kg shi khlieh une ruh khlem jingsiew dor ha sor bad nongkyndong.
Bad Non-NFSA yn sam ha ka jingthew kaba 7.215 kg kawei ka longïing ha ka dor ba la buh da ka Vigilance Committee kaba ym dei ban tam ïa ka Rs.14/- shi kg ha sor ne nongkyndong.
Kumta la bthah ïa baroh ki dukan die Rashon ba kin wan shim ïa ki permit na ophis jong u DC (Supply) bad ban sam pyndep ïa u khaw hapoh ka 10th October 2023, khlem pep, da kaba pyndonkam ïa ka online E-Pos machine.
