Jowai, Naiwieng 07: Ka Additional eputy Commissioner (Supply) jong ka Amlarem Civil Sub –Division kala pynbna paidbah ba ïa u Khaw u ba hap hapoh ka PMGKAY Scheme na ka bynta u bnai November, 2022 la pyllait sha baroh ki longïing kiba hap hapoh ka NFSA (AAY & PHH) naduh mynta ka sngi haduh ka 15 tarik u bnai November, 2022.
La pyntip ba ïa une u khaw yn sam kat kum kine ki kyndon harum na ka bynta ka bhah jong u khaw AAY yn sam maw 5 kilo shi khlieh ym donkam ban siew pisa, ïa ka bhah jong u khaw PHH ka long mar 5 kilo shi khlieh ym donkam siew pisa.
Ha kaba ïadei bad kane lada don kino kino kiba shim da ka pisa ne ki bym ïoh ïa ki tei ki mar jong ki, ki lah ban ujor sha ka ophis jong ka Addl. Deputy Commissioner (Supply), i/c Amlarem Civil Sub-Division da ka ba thoh shai ïa ka kyrteng bad ka shnong khnang ba yn lah ban pynshitom ïa ki. Ki nongïoh myntoi ki lah ruh ban ujor ha kine ki Number harum Sub-Inspectors- 8414806738/9436110184/8731025753 lene Email: sdo_amlarem@outlook.com