Khot pynthymmai ïa ka Electorall Roll katkum ka tarik 01-01-2023 ha 7- Amlarem Constituency
Amlarem, Naiwieng 07: Ka Office jong ka Electoral Registration Officer, 7-Amlarem (ST) Assembly Constituency, ka la pyntip paidbah ba ka Election Commission jong ka ri India, kala hukum ban pynbiang ïa ka Draft Photo Electoral Roll jong ka 7-Amlarem Assembly Constituency ha ka Sub-Division kat kum ka tarik 01-01-2023.
Halor kane kito ki nongshong Shnong kiba la dap 18 snem ka rta katkum katei ka Tarik bad kumjuh ki bym pat don kyrteng ha ka Draft Photo Roll ki lah ban pynrung kyrteng ïalade ha ki Polling Station ba ki shong ki sah, kumjuh ruh ban ot kyrteng ruh ia kito kiba la ïap ne phet Shnong bad ïa ki jingbakla ruh yn pynbeit ha kane ka por.
Ha ka jingïadei bad kane, ïa ka Draft Photo Rolls yn pynmih ha ka 09-11-2022 ha ka ophis jong ka Electoral Registration Officer, lane ka Office jong ka Sub-Divisional Officer (Election) Amlarem Sub-Division bad lyngba ki Booth Level Officers (BLOs) ha ki Polling Station. Ïa ki jingtyrwa bad jingdawa ne jingujor kyrteng yn pdiang naduh ka 09-11-2022 haduh ka 08-12-2022.
Ka office jong ka Electoral Registration Officer, 7-Amlarem (ST) Assembly Constituency, ka pyntip paidbah ba ki briew sorkar (Booth Level Officers) kin wan ha ki Polling Station ban trei na ka bynta kine ki kam naduh ka 09-11-2022 haduh ka 08-12-2022.
Kumta la kyrpad ïa ki nongshong shnong ban leh ïa kine harum kata ban ai ïa ki Kyrteng jong ki Nongthep Vote kiba la ïap ne kiba phet Shnong, khnang ba yn lah ban ot noh ïa ka kyrteng jong ki ha ka Electoral Roll.
Ban ai jingïarap lem ïa ki briew sorkar (BLOs), da kaba bishar sani ïa ki kyrteng bad ki dur la ki ïa hap ne em bad ka rta jong u/ka nongthep vote, ka ïahap ne em bad ka dur khmat kaba la mih ha ka Draft Photo Electoral Rolls, khnang ba kan nym mih ka jingkulmar ïa ki kyrteng bad ki dur. Lada lap ïa ki ba kum kine sngewbha ban pyntip mar mar sha u Electoral Registration Officer lane sha u Booth Level Officer jong kato ka Polling Station hapoh ka shnong jong ki.
La kyrpad ruh ban pyllait ïa ka ïing skul/Community Hall (Polling Station) ha kitei ki sngi na ka bynta kane ka kam. Kumjuh ruh ban ïarap ïa ki briew sorkar (Booth Level Officers) ha kino kino ki bynta kiba donkam ynda ki poi sha ka shnong jong ki.
Katkum ka jingbthah ka Election Commission jong ka Ri India, la kyrpad ïa ki Rangbah Shnong ban pynbna paidbah hapoh ka Shnong jong ki ban peit bniah bad bishar sani bha ïa ka Draft photo Electoral Roll, khnang ban ym don kano kano ka jingbakla.
Nalor ka 01.01.2023 kum ka tarik bal ah ban pynrung kyrteng thymmai ha ka Electoral Roll, kat kum ka kyndon aiñ Registration of Electors (Second Amendment) Rules, 2022 “ lada don kito ki ban sa dap 18 (khadphra snem) ha u snem 2023 kat kum ki tarik 01.04.2023, 01.07.2023 bad 01.10.2023 ki lah ban nang ai lypa (advance) ïa ki application jong ki bad ïa kum kine ki application yn sa leh bad peit (process) kt kum ki tarik ba ïadei jong ki.”
Kin sa don ruh ki sngi ba kyrpang (Special Campaign Dates) ha ka 18th & 19th bad 25th & 26th November, 2022 kiba dei ki Friday & Saturday (Sngi Thohdieng & Sngi Saitjain) ha kaba ki Booth Level Officers (BLOs) kin don baroh shi sngi ha ki Polling Stations, kumta la kyrpad ïa ki nongshong shnong ban leit mih sha ki Polling Station jong phi.
Ïa ka jingtip kiba kham bniah lah ban phone ha kine ki number kiba long ki tollfree nos: 94854-32400 lane 18003453802.