Khliehriat Naiwieng 7: U Electoral Registration Officer jong ka 5-Sutnga Saipung Constituency bad u Electoral Registration Officer jong ka 6- Khliehriat Constituencu, East Jaiñtia Hills District, ki la pyllait paidbah ïa ki kyrteng jong ki nongthep vote, ha kaba ïa ki dur jong ki electoral roll la pynbit pynbiang katkum ka Registration jong ka electoral roll jong u snem 1960, kumta lada don ki polling station kiba kwah ban peit bad pynbeit ki lah ban wan ha ka ophis jong ki Electoral Registration Officer bad ong ruh ba ka jingpynbit pynbiang kan kut haduh ka 1 tarik u kyllalyngkot 2023.
Hapoh jong ka ktei ka 1 tarik u kyllalyngkot (Qualifing date) lada don mano mano kiba kwah ban pynbeit, lane lada don kano kano ka kwah ban pynrung kyrteng, lada don kano kano ka jingujor ha kaba ïadei bad ka jingthep kyrteng ki lah ban pyndap ha ka form 6, 6A, 7, 8 ha lane shwa ka 8 tarik u nohprah 2022, lane lah ruh ban wan mih sha ophis jong u Electoral Registration Officer jong ka 5 Sutnga Saipung (ST) Assembly Constituency bad jong ka 6-Khliehriat Constituency, lane ban kynduh ïa ki Booth Level Officers ha ki polling station, lane ki lah ban pyn poi ruh lyngba ki post office sha ophis jong ki Electoral Registration Officer ha lane shwa katei ka tarik.
Na ka bynta kito kiba la kynjoh pura ïa ka 18 snem kyrta ki lah ruh ban pynrung kyrteng noh ha ki electoral roll.
