Jowai, Rymphang, 07: U District Election Officer (DEO) ka West Jaiñtia Hills District ula pyntip paidbah ba ki nongpeit pyrman ki ban khmih ïa ki kam elekshon kila poi sha ka District bad kila buh ïa ka ophis treikam jong ki ha ophis jong u Deputy Commissioner, West Jaiñtia Hills District, Jowai.
Lada don kino kino ki jingpan jingshai ne ki jingujor, ne kino kino ki jingai jingtip jong ki paidbah ki lah ban phone sha kine ki nongpeit pyrman. Kine ki nongpeit pyrman ki kynthup ïa u Anuj Kumar Jha, IAS u ban khmih ïa ka 2-Jowai bad 7-Amlarem Constituency. Ka phone number jong u ka dei 9233445843, u don ha ka kamra 149 ka mala kaba 3 naduh ka por 11:00 baje mynstep haduh 12:00 shiteng sngi. Ka Madhvi Kataria, IAS kan khmih ïa ka ka 1-Nartiang, 3-Raliang bad ka 4-Mowkaiaw Constituency. Ka phone number jong ka, ka dei 9233445900, ka don ha ka kamra 149 ka mala kaba 3 naduh ka por 11:00 baje mynstep haduh 12:00 shiteng sngi.
