Jowai: Ka Dorbar Shnong Saphai ka la shim ïa ka rai ban buh katto katne ki kyndon ha ka jingïadei bad kane ka elekshon MLA 2023.
Na ka liang ka Dorbar Shnong kala rai ban ym shah shuh ïa ki briew jong kino kino ki party ban rung shapoh ka shnong naduh ka por 5:00 PM haduh ka por 5:00 AM, lait noh tang ha ka sngi ba pynlong ïa ka jingïalang paidbah.
Ka Dorbar Shnong kala rai ruh ba yn shah tang 4 (Saw) tylli ki kali kynthup ïa ka jong u Kyrtong (Candidate) ban rung shapoh ka shnong ha ka sngi ba pynlong ïa ka jingïalang paidbah, lait noh ha ka sngi ba pynlong ïa ka rally.
Ka Dorbar Shnong ka pyntip ba kane ka jingbuh kyndon kan ym ktah ïa ki briew kiba wan donkam ne wan shim dawai shapoh ka shnong.
