Shillong Naitung 22: U State Project Director of School Education & Literacy (DSEL) u Swapnil Tembe, u la plie paidbah ïa ki artylli ki jaka leitbar ha Block jong ka Diengpasoh Govt. L.P School. Lah ban ong ba kine ki jaka leitbar la bei tyngka da ka CSR Wing of Eastern Panorama Offset bad baroh ka kam la shimkhia da ka Eastern Panorama Foundation & JCI Kamrup Elite.
Haba kren kum u kongsan u Swapnil Tembe u la ai khublei ïa ka Eastern Panorama Foundation bad JCI Kamrup Elite halor kane ka jingwan shakhmat jong ki ban shna ïa kane ka government school. U la ai ruh ka jingïaroh ïa ki nonghikai bad ka school management kiba la bud ïa ki kyndon jong ka tnat.
Ha kane ka prokram na ka liang u Head Teacher u Bah Luis Mukhim u la ïaroh ïa kane ka jinglah jong ka tnat ban pynkha ïa ki classroom naba kane kan ïarap ïa ki khynnah pule na ka snem sha ka snem.
Katba u Harsh Jhunjhunwala, General Secretary of Eastern Panorama Foundation u la ai khublei ïa ka tnat pule puthi kaba la shim khia ha kaba ïadei bad kane ka kam. Kiwei kiba la kren ki kynthup ïa u Bah June Marweiñ, SDSEO.
Ha kane ka sngi na ka liang ki kynrem ki lyndan ki la sam ruh ïa ki khusnam sha kiba la jop ha ki jingïakhun bapher bapher.
