Khliehriat Naiwieng 1: Ka Khliehriat Bar Association, ha ka jingpynlong hynnin ka sngi ïa ka 4th General Election ka la ïoh ban pynlong ïa ka jing jied bad pynthymmai ïa ki nongkitkam jong ka Khliehriat Bar Association kaba na ka bynta ka samoi treikam kaba naduh u snem 2022 haduh 2024.
Ia kane ka General Election jong ka Khliehriat Bar Association (KBA) la pynïaid da ka Independent Election Committee bala ïa sakhi lang da ki heh sorkar na East Jaiñtia Hills District ba kynthup ka District Information Officer, NIC East Jaiñtia Hills District, ka kong Ida Rymbai, kum ka Chairperson, u District Child Protection Officer East Jaiñtia Hills District, u bah Teibor Kyndiah, u District Coordinator jong ka Swachh Bharat Abhiyan, East Jaiñtia Hills District, u bah Wanbha Buam bad u bah Heimonmi Tyngkan, uba na ka tnat Food Civil Supplies & Consumer Affairs, East Jaiñtia Hills District.
La pynlong ïa ka jingjied da ka jingïathep vote (secret ballot) ha kamra ophis jong ka Khliehriat Bar Association kaba don ruh ha District & Session Judge Court Buliding Khliehriat.
Ki nongïalam bad ki nongkitkam jong ka Khliehriat Bar Association kiba la jied ki kynthup u President, u muktiar Shitmon Pdang, ka Vice President, ka muktiar Miranda.s. Bareh, General Secretary, u muktiar Kynjaimon Amse, u Assistant Secretary, u muktiar Wanjdaop.D.Sympli, Finance secretary, ka muktiar Rimaya Manar, Publicity Secretary, u muktiar Shibaitshwa Lyngdoh, Office Secretary cum Incharge Library, ka muktiar Aida Mary Nongtdu, Sport Secretary, u muktiar Jimmy Pdang, la jied ruh ïa ki dkhot jong ka Executive Committee ba kynthup u muktiar N.D.Sarkar, ka muktiar ka kong Esther Nongtdu, Balamon Shylla.
Kane ka long katkum u kyrwoh ba la phah da u Publicity Secretary Khliehriat Bar Association, u muktiar Shibaitshwa Lyngdoh.
