Shillong, Nailur 12 : Ka Apollo Indraprastha Hospital, New Delhi hynne ka sngi ka 12tarik ka la dep ban sumar ïa u Symbud Myntri Rangbah ka Jylla, Bah Prestone Tynsong hadien ka jingpang kaba la wanlap kynsan ïa u ha ka sngi Nyngkong.
Katkum ka kyrwoh khubor na u Commissioner Secretary ka tnad IPR ka sorkar jylla, la pyntip ba u Symbud Myntri Rangbah u la kham ïohbor hynrei donkam pat pat ban don ha ICU na ka bynta shipor arpor bad hadien kane pat yn sa lah ban mih noh nangtei na ICU.
Kumban shu pynkynmaw, u Bah Prestone u la kem pang kynsan ha ka sngi Nyngkong mynta ka taiew bad kumta mardor la ïalam ïa u sha Nazareth ban ïoh ïa ka jingsumar bad nangtei pat ha ka step sngi Balang la ïalam noh sha nongbah Delhi ban ïoh ïa ka jingsumar kaba kham biang.
