La dep phah ka sorkar ïa ka Affidavit sha ka HC ban pynkynriah ïa ki 342 ïing na Them Iewmawlong

0

Shillong, Ïaiong 28: U Symbud Myntri Rangbah ka jylla ba peit ïa ka tnad Urban Affairs, Bah Sniawbhalang Dhar ha ka sngi Palei u la pyntip ba ka sorkar jylla ka la dep ban phah ïa ka Affidavit sha ka Meghalaya High Court haba ïadei bad ka jingtyrwa ban pynkynriah noh ïa ki 342 tylli ki longiing na Them Iewmawlong.
Haba kren bad ki lad pathai khubor, u Bah Sniawbhalang u la ong ruh ba kane ka bynta ka shong ha ka Iing Bishar ban ai ïa ka rai.
Shuh shuh u la ïathuh ruh ba ka sorkar kan sa shong shen ha kine ki khyndiat sngi ban ïa kren halor katei ka phang. La ïathuh ruh ruh ba kane ka rai kadei hadien ba ka Harijan Panchayat Committee ka la kyntait ïa ka jingtyrwa jong ka sorkar jylla ban kynriah noh na katei ka jaka ba ki shong sha ka jaka kaba dei jong ka Shillong Municipal Board.
Halor ka jingkylli, u Bah Sniawbha u la ong pat ba ka sorkar ka pdiang sngewbha ïa ka HPC ban ïa kren lada ki kwah halor katei ka phang.

Leave A Reply

Your email address will not be published.