Shillong, Iaiong 28 : Ka Tura Government College Students’ Union (TGCSU) hynne ka sngi Thohdieng, ka la kyrpad ïa u Myntri kam bording Abu Taher Mondal ban pynduna ïa ki kynta pynlip bording namar ka jingpynkhreh jong ki Samla Pule ban ïaleh ïa ka eksam semester.
Ha ka kyrwoh, u President ka TGSCU Anand Ch Momin ula ong ba ka Union ka sngew ba kam sngew ïahap ban don bun kynta ka jingpynlip bording namar kane kan sa ktah jur bha ïa ka pule puthi jong ki samla pule.
“Ka jingpynlip bording ba palat 10-15 kynta ka dei ka bym sngew lah shah, khamtam ha kane ka por lyiur ym tang ïa ki samla hynrei ïa ki briew khlem da kheiñ snem. Ngi kwah ban buh ka jingkyrpad ïa u Myntri ban pynkylla noh ïa ki kynta pynlip bording bad pynduna noh haba buh hakhmat ba ki samla pule kin hap pynkhreh bad leit thoh eksam” ula ong.
