Kyrpad u DC ka EJHD ban kiar na ka jingthang khlaw hajan ki tower ba pyniaid ia ka bor ding

Khliehriat Jymmang 11: Katkum ka jingpyllait khubor na ophis jong u Deputy Commissioner jong ka East Jaiñtia Hills District, la ong ba ka ophis ka la ioh jingtip ba ki don ki nongshong shnong kiba thang pathar ia ki khlaw hajan u tower No.211-212 ba don ha shnong nongthymme, kane ka jingthang pathar ia ki khlaw ka pynthud ia ka line ba pyniaid bor ding bad ktah ruh ia ka Power Transmission System bad kane kan lam ruh sha ka jingduh bor ding.
Kumta la kyrpad ia baroh ki nongshong shnong ban long kiba husiar bad ban kiar na kaba thang pathar ia ki khlaw kiba don hajan utei u tower.
La ong ruh ba kino kino kiba ju mlien ban leh ia kane ka kan thang khlaw yn pynshitom ia ki katkum ki kyndon aiñ lada lap.