Nongpoh, Jymmang 11: Ka Jingïaseng Kynthei jong ka Balang Presbyterian Diwon hynin ka sngi kala pynlong da ka tamasa bam lane ka Food Fest ha DUYA Hall, Diwon da ka jingthmu ban pynmih pisa naka bynta ban pyndep ban shna ïaka ïing jong ka Seng Kynthei bad ruh ka ophis treikam jong ki.
Ïa katei ka Food Fest la plie pyrda da u Bah Mayral Born Syiem, haka jingdonlang ka kong Biaris Malai President, bad kiwei kiwei ki nongkitkam bad nongïalam ka Seng Kynthei jong ka Balang Diwon.
Haba kren ha katei ka sngi naka liang u Bah Mayral Born Syiem u la ai ka jingïaroh ïaka Jingïaseng Kynthei jong ka Balang Presbyterian Diwon kaba la ju shim ïa katei ka sienjam ban pynlong man u snem ïa kum katei ka jait prokram naka bynta ban pynmih pisa ban pyndep ïaka jingshna ïaka iing jong ka seng Kynthei ba kum u MLA un sa wad ruh ki lad ki lynti ban pynmang skhim naka bynta ka jingïaseng Kynthei ba kin lah ban pyndep ïaka iing.
Ha katei ka sngi naka liang u Bah Mayral Born Syiem u la aiti ruh da ka song pisa kum ka jingïarap ïaka seng Kynthei bad ruh la pyninam ruh ha katei ka sngi ïaki jait jingbam bala shet da ki longkmie jong katei ka balang.
