Kyntait ka ïingbishar ban ai jamin ïa u Raj Kushwaha ba donkti ban pynïap ïa u Raja Raghuvanshi

Shillong, Jymmang 2 : Ka ïing Bishar ka Additional Deputy Commissioner (Judicial) ka la kyntait ïa ka jingkyrpad bah jamin jong u nongshah kynnoh donkti ha ka jingpyniap ïa u Raja Raghuvanshi.
Une uba pan jamin u dei u Raj Kushwaha, uba dei u suba samla ka Sonam Raghuvanshi. Kiwei pat ki dei u Vishal Singh Chauhan, Akash Rajput bad Anand Kurmi.
Shuwa kane, ha ka 27 tarik Iaiong, ka ïing ka ADC (Judicial) kala ai jamin ïa ka Sonam Raghuvanshi, ka kurim jong u Raja Raghuvanshi.
Ka ïing Bishar ka kdew ïa ka jingbym lah jong ki Pulit ban pyntip shai ïa ki nongrim ka jingkem ïa ka haba pynpaw ruh ïa ka jingbym biang ki jingbatai kat kum ka Article 22(1) kaba ktah ïa ka jingïasaid ban ïada ïalade na ka nongshah kynnoh.