Kynnoh u Bah Sawkmie ba khlem shim khia ki MP ban bud dien ïa ka ILP bad Ktien Khasi ha Delhi

Shillong, Jylliew 25 : U Bah PT Sawkmie, MLA barim mynta ka sngi u la ong ba ki ishu jong ka jylla kum ka Inner Line Permit bad ka jingpynrung ïa ka ktien Khasi bad Garo ha ka khyrnit baphra jong ka riti synshar ka India donkam ban pynjur bad shimkhia ban buddien ïa ki. Hynrei kumba ka long wat ki MP jongka jylla kim shym la shim khia satia ban bud dien ia kane ka kam ha Delhi.
“Watla ka sorkar jylla ka la dep pass ïa ka resolution ïa kine baroh ar ki ishu ha ïingdorbar bad ki la dep ruh ban ïakynduh ïa u myntri ki kam pohïing jong ka sokar pdeng na ka por sha ka por. ïa kane ka ishu donkam ban buddien da ki members of parliament (MP), khamtam u MP na Shillong seat, naba u dei uba la bat slem ïa ka kam, hynrei um shym la shimkhia satia,” ong u bah Sawkmie.
U bah Sawkmie u la bynrap haba pynpaw ba kine baroh ar ki ishu ki dei jong ka sorkar pdeng, kumta ka donkam ïa ka jingïarap na ki MP, watla ka sorkar jylla ka la dep pyndep ïa la kamram, hynrei u MP, um shym la leheiei.
“Kumta ka la dei ka por ba ki paidbah ka Shillong kin hap ban pyrkhat bha ban ïoh noh da uwei u MP thymmai, u briew uba lah ban kren ha parliament bad uba lah ruh ban shimkhia ïa ki ishu jong ka jylla bad ïa ka ishu jong ka jaidbynriew,” ong u Bah Sawkmie .