Shillong, Nohprah, 30: Ka Khun Hynñiewtrep National Awakening Movemnt (KHNAM) ha ka Sngi Thohdieng kum ka dak ka jingkynmaw burom ïa ka lyngkhuh snem ïap kaba 160 snem jong u khla wait ka jaitbynriew u Woh Kiang Nangbah ka leit ban buh syntiew ha u mot ba shiryngieng uba don ha phyllaw jong ka State Central Library.
Ka seng ka sngewdei ban phah ïa u kyrwoh, ha kum kane ka por la ïohi ba kam don kano kano ka jingshim kyrpang na ka liang ka Sorkar ban kynmaw burom ïa ki riewïaleh ka jaitbynriew. Lada ym don sa ki Sengbhalang la ïohi ba ym don shuh ki ban kynmaw burom ïa kum kine ki sngi.
Kum ka seng, ngi kyntu ïa ka Sorkar ban shim ïa kine ki sngi kum ki sngi kyrpang ym tang da kaba ai shuti hynrei ban pynthikna ba ka pateng kaba mynta bad ki pateng kin ban dang wan kin ym klet ïa la ki riewïaleh.
