Kyndit ka KJP Assembly ba pynlong pokram ka University ha ka Good Friday bad Easter Sunday

0

Shillong, Iaiong 5 : Ka Executive Committee jongka Khasi Jaintia Presbyterian Assembly (KJPA) kaba la ïakynduh mynta ka Sngi Balang ka la pynpaw ka jingsngewkyndit kaba khraw halor ka jingpynlong prokram jong kawei ka Private University ha Meghalaya ha ka 7 bad 9 tarik mynta u bnai Iaiong kaba dei ka taiew ba ñiew kyntang bad rakhe khuid da ki paid Khristan namar ba ka dei ka Good Friday bad ka Easter Sunday.
Namar ba kane ka University ka don hapoh ka jylla Meghalaya ka pynpaw ba kam burom satia ïa ka jingpynbna shuti jongka sorkar ha kitei ki sngi kumba la pruid dak saw ruh ha ki Alamanak.
Kumta halor kane ka jingbuh prokram ha kitei ki sngi ka KJPA ka pynrem jur ïa ki bor pynïaid ka Univeristy bad dawa ba dei ban pynkynriah noh ïa kitei ki prokram sha kiwei pat ki tarik. Kumba ka ri India kat kum ka Riti Synshar jongka ka la pruid dak ban burom ïa baroh ki jait niam kumta ruh la kyntu ïa katei ka tnad pule ba ka dei ban burom lem ïa kine ki Sngi ba Kyntang bad Kyrpang jong ki paid Khristan.

Leave A Reply

Your email address will not be published.