Kurup ki shipai BSF ïa ka trok bad 20 tylli ki masi ba thmu khaïi beaiñ sha Bangladesh

Shillong, K’lyngkot: Ki shipai Border Security Force (BSF) ka Meghalaya ha kane ka sngi Nyngkong ba la lah kila ïoh ban bat noh ïa kawei ka trok kaba kit haduh 20 tylli ki masi ïa kiba la thmu ban khaïi beaiñ shapoh Bangladesh lyngba ka thaiñ khappud na East Jaiñtia Hills district.
ïa katei ka trok la ïoh bat da ki shipai BSF kiba ïeng pahara ha ka jingkieng Sonapur, East Jaiñtia Hills.Ki BSF ki pyntip ba ka kynhun pahara kila pynsangeh ïa katei ka trok na ka bynta ban talasi ïa ka kali hynrei u nongñiah jong ka trok haba ula poi ha katei ka jaka, ula pynher sted pynban ïa ka trok da ka jingthmu ban phet sha ka thaiñ Umkiang.Kumta ruh na ka liang jong ki, kila pyntip ba kane ka kynhun pahara kala beh thong ïa katei ka trok bad hadien katto katne por kila lap ïa kane ka trok harud surok katba u nongñiah, ula phet krad noh shapoh khlaw.Ha ka jingtalasi ïa kane ka trok ki BSF kila lap ïa ki masi bad kila kurup noh ïa ka trok.