Shillong, Nohprah, 15: Ki shipai BSF ka 193 Battalion, Meghalaya ha ka sngi Palei kiba la ïoh ïa ka jingtip kaba bniah na ki tnat syntiat ka la pynlong ïa ka jingkhynra ha khappud jong ka East Khasi Hills district bad ïoh kurup ïa ki ïtkhmat kiba shongdor palat 50 lak tyngka. Ïa kine ki ïitkhmat la thmu ban shalan tuh sha ka ri Bangladesh.
Shwa kane, ki shipai BSF ki la lap ïa kawei ka kali kaba kit palat pud kaba pynieng harud ka lynti khim kaba mih sha khappud. Ha ka jingtalasi, la lap napoh ka kali ba la kit ïa ki mar ba la suba ban khaii tuh, khamtam ki ïikhmat. Ïa u nongñiah bad ïa u nongbud la kem da ki shipai BSF hadien ba kim shym la lah ban ai ïa ka jubab kaba biang bad halor ka jingbym lah ban pyni ïa ki dulir ban kit ïa ki ïitkhmat.
Ïa kine ki arngut bad ïa ki mar ba la ïoh kurup, la aiti noh sha ki Pulit ka Dangar Police Station na ka bynta ban leh katkum ki kyndon jong ka aiñ.
