Shillong, Risaw 04: Ha ka step phyrngap Sngi Baar, ki shipai BSF ki la ïoh ban kurup 16 tylli ki Muid na ki lai tylli ki trok kiba la thmu ban shalan be-aiñ na khappud ka jylla Meghalaya sha ka ri Bangladesh.
Ban ïakhun pyrshah ïa kine ki kam khaii be-aiñ sha ka ri Bangladesh, ki shipai BSF ju pahara da kaba ïaid kjat ha ki jaka ba kham jur ka jingïakhaïi be-aiñ ha ki bynta jong ka East Khasi Hills bad ka West Jaiñtia Hills..
Da ka jingpyrkhing jong ki shipai BSF, ka jingkhaii ïa ki Muid bad ïa ki Masi ka la hiar bha naduh ba la pyndon kam ïa ki jaka ap ktem.
Ki BSF kila lah ban tehlakam ïa ka jingkhaïi masi be-aiñ bad ïa ki jingdih pynbuaid ha ki jaka khappud hynrei ki don na ki nongkhaïi be-aiñ kiba la pyndonkam ïa ki shnong ban kren pyrshah ïa ki shipai BSF khnang ba kin ïoh bteng ïa ki kam khaïi be-aiñ sha ka ri Bangladesh.
