Shillong, Naitung 19 : Ka All India Bank Officer Consideration (AIBOC) Meghalaya ha ka sngi Thohdieng ka la rakhe ïa ka jingdap 55 snem ka jingpynkylla bank sorkar ïa ki bank shimet kaba la jia ha ka 19tarik Naitung, 1969.
Ïa kane ka jingkynmaw burom kaba la rakhe ha baroh kawei ka ri India, bad ha Shillong pat la pynlong ha ophis treikam jong ka State Bank of India, Dhanketi ha kaba ki nongïalam ki la pynkynmaw ruh shaphang ka jingïaid lynti kaba nyngkong jong ki 14 tylli ki bank shimet kum ki bank sorkar ha katei ka snem.
U Bah Davis Lyngdoh, State Secretary ka AIBOC ka Meghalaya State Unit u la ïathuh ba ka jingpynkylla na ki bank shimet sha ki bank sorkar ha kine ki 55 snem ka la ïarap haduh katta katta ïa ki duk ki suk namar ka ai ka jingmyntoi kaba pura ïa ki paidbah.
Tangba u ong pat ba ki sngewsih ba mynta ha kylleng ka ri ki don haduh 6 lak tylli ki shnong ha nongkyndong kiba don haduh kumba 80 persen kiba ym pat myntoi na ka bank, kata la ka long ban thep ne sei pisa watla na ka liang ka sorkar ka dang ïakhun ba ki paidbah kin don bank account khnang ba kin ïoh ïa ki jingmyntoi.
Katkum ka jingong jong u, kiba bun ki jingmyntoi kiba wan na ka sorkar pdeng ki poi beit lyngba ki bank sorkar ym ha ki bank jong ki riew shimet.
“Hynrei ka long pat kaba sngewsih ba mynta ka sorkar ka thmu ban pyrshang pynkylla bank shimet biang ïa ki bank sorkar. Kan kan ktah ïangi namar ki bank shimet ki ym phah plie account na ka bynta ki paidbah naba ka jingthmu jong ki ka long beit na bynta ban kamai bad ïoh nong,” u la ong.
