Kular u Deputy CM ban siang rong noh ïa ka surok NH naduh EJH shaduh Puriang, Mawryngkneng ter ter

0

Khliehriat, Naiwieng 4 : Haka jingïakynduh bad u Symbud Myntri Rangbah (Dy.CM) ka jylla u Bah Prestone Tynsong ban ïakren halor ka “Save Hynñiewtrep Mission” na ka liang u President jong ka Seng East Jaiñtia National Council, bah Sambormi Lyngdoh, u la pynpaw ruh ïa ki katto katne ki mat kiba ki paidbah ki mad jingeh, kum ka jingsniew palat ka surok National Highway naduh East Jaiñtia Hills District shaduh Puriang, Mawryngkneng ter ter.
Ha ka jingïakren bad ki nongïalam jong ki San seng na ka liang u bah Prestone u la ïathuh ba ka NHAI kala dep phah ïa ka DPR kaba ïadei bad kane ka Surok sha ka sorkar pdeng bad na ka liang ka sorkar pdeng kan sa pyllait haduh T. 70 klur na ka bynta ban siang rong ïa kane ka surok National Highway naduh Puriang shaduh East Jaiñtia Hills District.
Shuh Shuh na ka liang u nongïalam jong ka EJNC u la pynpaw ruh ka jingsngewkhia ha kaba ïadei bad ka jingsahteng jong ka jingtei ïa ka Building jong ka ïaw Musiang ka bala sdang naduh u 2006.
Halor kane ula ong ba kila pynkynmaw ruh ïa une u Myntri ba ha u snem 2020 u Myntri Rangbah ka jylla u Conrad K Sangma ha ka jingïakynduh bad ka JHADC & PWD Building u la kular ban pyllait noh ïa ka pisa na ka bynta ban pyndep ïa kane ka ïew hynrei haduh mynta ka jingtei ïa kane ka dang ïai sahteng.
Ha kaba ïadei bad kane ka mat na ka liang utei u Myntri u la kular ban shimkhia bad ban buddien ïa ka kane ka kam.

Leave A Reply

Your email address will not be published.