Kitbok ka MCA ïa ka kynhun Under-19 & Senior Team shuwa ban leit aireng ha ka lympung ka BCCI
Shillong, Risaw 08: Ka Meghalaya Cricket Association ka la ïoh ban pynlong ïa ka prokram ban kitbok kitrwiang ïa ki rangïalehkai kriket U-19 bad ruh ïa ka kynhun lehkai kriket jong kiba la rangbah (Senior Team) katba kine ki kynhun ki don mynta hapdeng ka jingpynkhreh ban leit aireng ha ka lympung lehkai jong ka BCCI mynta ka samoi.
Ha Shillong, u MCA Honorary Secretary, u Bah Gideon Kharkongor, lem bad u Honorary Treasurer Dhruba, u Jyoti Thakuria bad u Bah Peter Macdonald Kharsawian (Apex Council Member) ki la ïa donryngkatlang ban ai mynsiem ïa kane ka kynhun jong kiba la rangbah ki ban sa mihkhmat ïa ka Meghalaya ha rynsan ïakhun jong ka Syed Mushtaq Ali Trophy, kaba dei kawei na ki lympung jong ka BCCI T20 na bynta ki shynrang.
Ka kynhun ka la sdang ban kilanmet ban pynkhreh ïa kane ka lympung naduh ka 5 tarik uu Risaw. Ka jingïakhun kaba nyngkong jong ka Meghalaya kan long ha ka 16 tarik u Risaw, bad kan ïakhun pyrshah ïa ka Hyderabad ha Jaipur.
Na ka liang jong u Vice-President jong ka MCA, u Rayonald Kharkamni ryngkat bad u Thakuria ki la leit sha Jagiroad, Assam, ban sakhi ïa kane ka kynhun jong ka U-19 men’s team ki ban sa leit ïakhun sha ka Vinoo Mankad Trophy, kaba dei ka lympung lehkai one day.
La pynlong ïa kane ka prokram ha Jagiroad hynnin ka Sngi U Blei bad ka kynhun ka la mih na jylla hynne ka Sngi ban leit sha Vijayawada, Andhra Pradesh. Ka Meghalaya kan sdang aireng nyngkong pyrshah ïa ka Bengal ha ka 12 tarik u Risaw.
Ka thup kyrteng jong ka kynhun Meghalaya na bynta ka Vinoo Mankad Trophy ki long:
Shubham Rasaily, Kshitij Singhania, Avinash Rai, Lensbirth N Marak, Rituraj Rabha, Angkit Tamang, Shahin Alome, Shavian Blah, Banialam J Mylliemngap, Josiah D Wanniang, Denikcheng Marak, Dingriko Marak, Bilgrak G Sangma, Charm Marbaniang, Da-u-la-biang Shangpliang
Standbys: Thunun R Marak, Justin Fancon, Ferando BM Sangma, Dipankar Barua. Support staff: Sandipan Deb Nath (head coach), Mark A Laloo (assistant coach), Gregory G Syiemlieh (trainer), Hamboy Langbang (physio), Prewindsong Sangma (manager)
Ki jingïakhun jong ka Meghalaya : vs Bengal, 12 tarik Risaw, s Uttarakhand, 14 tarik Risaw, vs Hyderabad, 16 tarik Risaw, vs Delhi, 18 tarik Risaw, vs Maharashtra, 20 tarik Risaw.
Ka thup kyrteng jong ka kynhun Meghalaya ka ban aireng ha ka Syed Mushtaq Ali Trophy ki long:
Riboklang Hynniewta, Sylvester Mylliempdah, Arien Bonchang Sangma, Chengkam Sangma, Junjun M Sangma, Mewada Shylla, Sanvert Kurkalang, Kilco R Marak, Lerry G Sangma, Ram Gurung, Anish Charak, Akash K Choudhary, Amiangshu Sen, Rajesh Bishnoi (guest player), Nahul Verma (guest player)
Standbys: Lakhan Singh, Md Nafees Siddique, Adarsh Joshi, Sengpan Sangma, Robert R Sangma
Support staff: Goutam Shome (head coach), Moisten Ch Marak (assistant coach), Vikash Singh Chauhan (trainer), Surojit Biswas (physio), Dhruba Jyoti A Sangma (manager)
Ki prokram ïalehkai jong ka Meghalaya : vs Hyderabad, 16 tarik Risaw, vs Mumbai, 17 tarik Risaw, vs Mizoram, 19 tarik Risaw, vs Chhattisgarh, 21 tarik Risaw, vs Jammu and Kashmir, 23 tarik Risaw, vs Haryana, 25 tarik Risaw, vs Baroda, 27 tarik Risaw