Jowai, Risaw 09: Ka lympung ïalehkai phutbol kaba la tip kum ka “Chatister Kharkongor Memorial Trophy 1st Division Football Tournament – 2023 bala pynïaid da ka West Jaiñtia District Sports Association, (WJDSA) Jowai kaba la long hynne ka Lah Sngi U Blei ha madan Kiang Nangbah Stadium, Dongmihsngi Jowai.
Haba phai sha ka jingïakhun ka kynhuh ïalehkai jong ka Moosalyngkat SC kala lah ban pynliem da 4-1 kol ïa ka Luti Tuber SW. ïa ki kol na ka Moosalyngkat SC la thep da u Datngen I Dan haka minit ba 25, u Edius L Laloo haka minit ba 80 & 89 bad u Lalthakhuna Ngaite haka minit ba 90+3. Katba na ka liang ka Luti Tuber SW la thep da u Kordor Dkhar haka minit ba 55.
Ka jingïakhun mynta ka sngi ka 10 tarik kan long hapdeng ka Nangbah Iawmusiang pyrshah ïa ka Sabahmuswang haka por 2 baje nohphai sngi.
