Shillong, Ïaïong 19 : Ka Khasi Students Union (KSU) ha ka sngi Ba ar kala leit ban kitbok kitrwiang ïa ki 4 ngut ki nongïalehkai ka jylla kiban mihkhmat ïa ka ri India ha ka jingïakob World Pankration Championship kaban long ha ri Uzbekistan.
U Publicity Secretary ka KSU u samla Pynshai Rani ula pyntip ba kitei ki saw ngut ki nongïalehkai kiba leit ïashimbynta ha katei ka jingïakob ki kynthup ïa ka samla Lozenza Songthiang, samla Francis RR Songthiang, samla Kyrshanbor R Songthiang bad u samla Nongkitboklang Songthiang.
Kine ki samla ki dei kiba la ju wanrah takma bunsien bad mynta kila pynkhreh ban mih ha ka 30 tarik mynta u Ïaïong napoh ri India ban leit aireng ha katei ka jingïakob.
Ka KSU ka la ai mynsiem bad ka kitbok kitrwiang ïa kine ki nongïalehkai ba kin ïoh biang ïa ka namjop ha katei ka jingïakob kaban long ha Uzbekistan.
