Ki SOP tih dewïong kidei kiba la shna da ki High Level na ka bynta ki High Level

Shillong, Naiwieng 16: Ka ‘Save Hynñiewtrep Movement’, ka la kynnoh ba ki Standard Operating Procedure (SOP) ba la shna da ka sorkar MDA na ka bynta ka jingtih dewïong ha ka jylla kadei kaba la shna da ki High Level na ka bynta ki High Level.
U Bah Robertjune Kharjahrin, President ka HYC, u la ong ba ki SOP ba la shna da ka sorkar ha ka 5 tarik u Lber 2021, ka ong ba kiba aplai ban ïoh laisen tih dewïong kidei ban long kiba don ka jaka kaba palat 100 Hectare. Nalor ka don ka kyndon ruh kaba ong ba ki bar jylla ne ki kompeni ki lah ban ban tih dewïong da kaba ïateh kular bad ki trai jaka.
Haba ïakren bad ki nongthoh khubor ha Shillong Press Club, u Bah Robert u la ong ba kane ka kyndon kadei ban tih dewïong tang kiba riewspah namar kam lah ban long ba ha kane ka jylla yn don ki briew kiba lah ban don jaka ban tih dewïong haduh 100 Hectare, lait noh tang kiba riewspah. “Kane ka kyndon ka long ka jingkhanglad ïa ki riew paidbah ban ïoh tih dewïong ha la ka jong ka jylla”, la ong u nongïalam ka HYC bad bynrap ruh ba kan wanrah ka jingïapher hapdeng uba duk bad uba riewspah bad kito kiba ju tih dewïong baroh shi katta ki la ïap ja noh.
Nalorkata ruh kane jylla kadei ka jaka kaba long lum long wah bad kan eh shibun ban ïoh ki jaka ba heh beit 100 Hectare lane ne 1 Klur Square Feet. U Bah Robert u la ïathuh ruh ba ka sorkar jylla kam shym la bud ïa ka rule ne ka Mineral Concession rule jong ka sorkar pdeng kaba la pynmih ha ka snem 1960, kaba ong ba kiba dei ban ïoh laisen ban tih dewïong kidei ban long kiba don jaka palat ïa ka 4 Hectare, katba ka Sorkar Meghalaya pat ka pynkiew syndon sha ka 100 Hectare. “Lada ka sorkar pdeng
Ha kajuh ka por, u la ong ba ka kynhun jong ki San tylli ki Seng ka dap da ka jingsngewkhia ba kane ka kyndon ka ong ruh ba ka shah ïa uno uno u briew, la u long u bar jylla ne uno kuno u briew ba nabar ruh u lah ban tih dewïong da kaba ïasoi ïa ka jingïateh kular bad u trai jaka. Kane kan ailad ïa ki bar jylla ban wan tih dewïong tang da i jingïateh kular bad ki trai jaka. U la ong ba baroh shi katta ki bar jylla kim ju ïoh lad ban wan tih dewïong shane, namar ba ka don ka Land Transfer Act, hynrei mynta lyngba kane ka long ruh kumba la pynkheiñ ïa ka aiñ Benami.
Na ka liang ki San Seng ki dawa ba dei ban pynkylla noh ïa ka kyndon kaba buh haduh 100 Hectare ban ioh laisen tih dewïong bad ban weng noh ruh ïa ka kyndon ba ïateh kular hapdeng ki trai jaka bad ki bar jylla.