Shillong, Lber :Ki katto katne ki jingbthah ba donkam na ka bynta ki dkhot bad delegate jong ka KJP Synod Sepngi ki ban wan sha ka jingïaseng Synod Sepngi kaba 21 ka ban long ha ka Balang Presbyterian Lyngkhoi naduh ka 9 tarik haduh ka 12 tarik Lber 2023.
Ka shnong Lyngkhoi ka dei ka shnong kaba khriat bha bad kumta la kyntu ba kin sngewbha ban wanrah ki jaiñ syaid ban phong bad ki jaiñ kup thiah. Ki kali ki ba wan na Shillong kin rung na Sohïong bad ïaid lyngba ka Sohïong – Parïong Road, ka jingjngai na Sohiong sha Lyngkhoi ka long 14 KM.
Ki kali kiba wan na Mawmaram bad Mairang kin lad na ka Shnong Umthied Bynther. Ka jingjngai na Mairang sha Lyngkhoi ka long 8 KM.4. Ki kali ba wan na ka surok Nongstoiñ kin rung na Kynshi – Lawbyrtun Road. Ka jingjngai na Kynshi lyngba kane ka surok ka long 16 KM.
Ki kali kiba wan na Nongstoiñ ki lah ruh ban rung lyngba ka Shyrwang ha ki Sngi Pohia, lait noh ka Sngi U Trai. Ka jingjngai na Shyrwang sha Lyngkhoi ka long 5 KM. Ki kali kiba wan na Mawkyrwat lyngba ka Parïong kin ïaid na ka Sohiong Parïong Road lyngba ka shnong Nonglait. Ka jingjngai na Pariong sha Lyngkhoi ka long 22 Km.
Ki kali KALI RIT kiba wan na Mawkyrwat ki lah ruh ban ïaid lyngba ka Laitnongrim, kin lad naUmjarain. Ka jingjngai na Umjarain sha Lyngkhoi ka long 22 KM. Ki kali kiba wan na Weiloi kin rung lyngba ka Laitmawsiang Nongpung Road. Ka jingjngai na Nongspung sha Lyngkhoi ka long 10 KM.Kane ka long katkum u kyrwoh lyngba u Rev. T.K. Iawphniaw, Secretary Committee Pdiang Synod Lyngkhoi.
