Shillong, Lber 28: Ki la don haduh 12 tylli ki Hima kiba don ïa ki acting Syiem bad ka jingbym lah ban thung Syiem pura ka long ba ki dang don hapdeng ka jingtohkit.
Ïa kane la ïathuh da u CEM ka KHADC u Bah Shemborlang Rynjah haba jubab ïa ka jingkylli ba la wanrah da u Bah B Synrem MDC haba kylli ïa ki jingdon ki Elaka bad ki Hima kiba la ïoh Syiem Pura bad kumjuh ruh ka jingpynlong ïa ka elekshon ha ki Elaka bad ki Hima.
Halor kane na ka liang u CEM u la ong ba ka jingpynlong ïa ka jingthep vote kan shong ha ka jingpynkhreh ïa ka thup ki nongthep vote bad ïa kane lah ban leh lyngba ki list ba la pynkhreh da ki Hima ne don pat kiba hap ban leh hi da ka KHADC.
