Khring ka Sohra ïa ka nongrwai na Assam ban ring ïa ka Music Video

0

Shillong, ïaïong, 30: Ka jingpawnam jong ki jaka jngohkai pyrthei ha ka shnong Sohra ka la khring ïa kawei ka nongrwai na ka jylla Assam ïa kaba la tip kyrteng kum ka Esha Das ban ring dur ïa ka music video kaba la ai kyrteng, “I Can Fly” ïa kaba la pyllait paidbah ha ka sngi Saitjaiñ ha Shillong Press Club da ka khlur nongrwai ba pawnam ka samla Gracyl Ropmay.
Shwa ban pyllait ïa kane ka music video ka Gracyl Ropmay haba kren kum ka Kongsan ka la ai mynsiem ïa ka Esha Das ba kan nang jam shuh shuh shakhmat ban pyndonkam hok ïa la ka sap ka phong ba ka don da ka jingkyrshan lem jong ki paralok kiba la ïatreilang ban pynurlong ïa kane ka jingangnud jong ka.
U Producer jong kane ka music video u Kishor Das u la ïathuh ba kane ka music video ka dei ka wat kaba ar ba ka Esha Das kan pynmih bad ka music video kaba la pynmih nyngkong eh ka dei kaba la ai kyrteng ‘Never Let You Go’ ïa kaba la tem ruh ha London FM.
Da ka jingpyllait paidbah ïa kane ka music video, ki paidbah ki lah ban peit ïa kane ka jingrwai ha ka Youtube Channel ba la ai kyrteng, “Esha Music”.
Ïa kane ka jingrwai la thoh bad la rwai hi da ka Esha Das bad ki don ruh katto katne ki bynta ba la ringdur ïa kane ka jingrwai ha ka thaiñ West Jaiñtia Hills District.

Leave A Reply

Your email address will not be published.