Khot u DEO ka EKH ia ka VPP, phah lum jingïalang ïa u SDO Sohra halor ka ujor ka UDP

Shillong, Lber 03: Shisngi hadien ba u General Secretary jong ka VPP u Dr Ricky AJ Syngkon u la dawa na u Chief Electoral Officer (CEO) u Bah FR Kharkongor ban ñiew biang ïa ka vote na Mylliem Constituency na ka daw ka jingdkhoh ka rukom ñiew namar ka jingdon kiba thep vote kaba la pyni da ka ophis jong u ka kham duna ïa ka jingdon ki vote kiba mih ha ka sngi Chief Electoral Officer (CEO) u Bah FR Kharkongor, u General Secretary ka VPP u Dr Ricky AJ Syngkon u la ong, “ha ka kyrteng ka kyrtong ka party na Mylliem k Kong Aibandaplin F Lyngdoh, Nga kyrpad ïa phi ban ñiew biang ïa ka vote na Mylliem Constituency na ka daw ba ka jingdon ki vote kiba wan thep ka kham duna lada kheiñ lang ïa ka jingïoh vote baroh ki kyrtong.
Ha ka shithi sha u Dr Ricky u District Election Officer ka East Khasi Hills u la pyntip ba na ka liang ka ophis ka la rai ban shong jingïalang halor kane ka bynta.
“Nga kwah ban pyntip ba na ka liang ka ophis ka la buh ba ha ka 6 tarik Lber ha ka por 12:30 kan don ka jingïakren halor ka jingdawa ñiew biang ïa ka vote ha Mylliem,” ong ka shithi u DEO sha u Dr Ricky.
Shuh shuh haba ïadei bad ka jingdawa u kyrtong ka UDP na Sohra u Bah Titosstarwell Chyne ban ñiew biang ïa ka vote ha Sohra namar na ka liang jong u um hun satia ïa ka resol kaba la pynbna ha ka sngi Palei.
Na ka liang u Joint Chief Electoral officer u Bah AS Mukhim ha ka shithi sha u Sub Divisional Officer (EI) u la btah ïa u SDO ka Sohra ban lum ïa ka jingïalang bad u kyrtong ka UDP ban pynshai ia ki kyndon, ki rukom, ki jingbthah ha kaba ïadei bad ka jingdawa ñiew biang ïa ka vote namar ka jingbym hun ïa ka jingpynbna jop ïa u Bah Gavin Mylliem kum u MLA ka Sohra.