Nongstoiñ, Rymphang, 22: Ka tnad shipai jong ka ri India ka pynbna sha baroh ki samla shynrang bad kynthei jong ka West Khasi Hills District, kiba la kynjoh khathynñiew shiteng haduh arphew wei snem ba kin rung sha ka kam shipai.
Ka jingpynrung kam kan long katkum ki kyrdan kata naduh kiba la pyndep ïa ka klass kaba phra (VIII) X bad XII. Ki kam kiba lait ki long na ka bynta kiba la pass 10+2, ki dei ki kam Agniveer Technical (All Arms) Agniveer Adm Asst (Clerk) Store keeper Technical (All Arms). Ki kam na ka bynta kiba la pyndep ïa ka klass X ki long shipai Agniveer General duty (All Arms).
Na ka bynta ki kynthei pat Agniveer General duty (Women Military Police) Agniveer Trades man (All Arms) kiba la pyndep ïa ka klass VIII pat na ka bynta ki shipai Agniveer Tradesman (All Arms). Ki samla kiba kwah ban aplai ki lah ban shu applai online lyngba kane ka website www.joinindianarmy.nic.in bad lah ban peit nuksa kumno ban pyndap ïa ki jingdonkam.
Ka jingpdiang ïa ki online registration la dep pdiang lypa naduh ka taïew ba ar jong une u bnai Rymphang. Ïa ki jingtip ba bniah lah ban wad ruh lyngba ka Recruiting Office Headquarter kaba don ha Shillong da kaba phone ha une u number 03642504177 lane lyngba kane ka email rohgshillong@ gmail.com lane na ka ophis jong ki Deputy Commissioner jong baroh ki District.
