Nongstoiñ, Naiwieng 1: Ka ophis jong u Block Development Officer (BDO) Nongstoiñ, ka pyntip paidbah ba lyngba ka Meghalaya State Rural Livelihood Society, kaba dei ka tnad kaba pyntreikam ïa ka National Rural Livelihood Mission jong ka Sorkar kmie, ka khot application na ka bynta ka jingpyntreikam ha ka kyrdan Block Resource Person (BRP), ka ban peit ban khmih ïa ka jingshakri ha ka jingpyntreikam lyngba ka Social Inclusion bad Social Development, ha ki shnong kiba hapoh ka Nongstoiñ Block.
Ka post ba lait ka long tang kawei, ki dei ban pass ïa ka class XII bad yn kham ai lad ïa ki CGHA lane kiwei pat ki cadres ba la trei lypa bad ka MSRLS palat ïa ka shi snem ka karta hapoh ïa ka 45 snem.
La ai lad sa 5 snem tang na ka bynta ki CGHA lane CRP kiba don bynta bad ka MSRLS, ki dei ban long ki nongshong shnong jong ka Nongstoiñ Block bad ki BRP kim dei ki nongtrei (Staff) ka MSRLS.
Kumta kino kino kiba kwah ban trei ïa katei ka kam, kin sngewbha ban pynpoi ïa ki application sha katei ka Block Office ha lane shwa ka 17 tarik Naiwieng 2023 bad ïa ki jingtip ba kham bnïah lah ban ïoh na katei hi ka ophis C&RD Block, Nongstoiñ.
