Nongpoh, Lber 03: Haba phai sha ka result elekshon ba dang shu dep pynbna hynnin ka sngi, bun na ki paidbah ki dap da ka jinglyngngoh bad kyndit ban iohi halor ka jingkiew kynsan u Prah ha Ri-Bhoi ha kaba la don tang uwei u kyrtong na Umsning Constituency u Dr. Ricky AJ Syngkon, hynrei bun naki paidbah ki kyndit ban iohi ba utei u kyrtong u la ioh ban khur haduh 5456 vote bad wan ruh haka kyrdan ba saw napdeng 8 ngut ki kyrtong kiba ïakhun.
Kumba la sakhi hadien ka jingpynbna ïaka result bad ka rai jong ki paidbah ban jied ïa ki nongmihkhmat ka lyer u Prah ka beh kynsan wat ha Umsning Constituency ha kaba la iohi ïaka jingkiew kynsan ki nongthep vote khlem da pynlong kino kino ki jingïalang paidbah ne rally.
Haba phai sha ka jingïoh vote ki kyrtong ha Umsning, u Dr. Celestine Lyngdoh na ka seng Congress uba dei u nongjop u la ïoh ban khur haduh 9907 vote, u Sunshine Makri na ka UDP u la ïoh haduh 8743 vote, u Jason S Mawlong naka NPP u ba dei u sitting MLA u la ïoh khur 7945 vote, u Dr. Ricky AJ Syngkon naka VPP u la ïoh khur 5456 vote, u Donlang Sohkhlet naka PDF u la ïoh khur 585 vote, u Bah Primson Makdoh naka HSPDP u la ïoh ban khur 353 vote, u Duruth Majaw naka BJP u ïoh 324 vote, u Gilbert Nongrum u la ïoh 296 vote bad u NOTA ula ïoh 195 vote.
