Kitbok ka Seng Samla Mawlai Phudmuri ïa ki samla kiba ïaleh ïa ka eksam SSLC bad HSSLC

Shillong, Lber : Ka Seng Samla Mawlai Phudmuri (SSMP) ka ai ka jingkhublei kitbok kitrwiang ïa baroh ki samla kynthei bad shynrang kiba ïaleh ia ki eksamin bapher bapher ha kane ka por naduh ka SSLC, HSSLC bad kiwei kiwei.
“To ai ba U Blei Trai Kynrad Un kyrkhu ïa phi ba phin ioh pdiang ïa ka jngkoit jingkhiah kaba long kaba donkam eh ha kane ka por na ka bynta jong phi bad to ai ba phin trei shitom bha ha kane ka khyllipmat khnang ba phin ïoh kheit pat ïa u soh ba thiang hadien habud,” ong ka SSMP lyngba ka kyrwoh ba la phah.
Ka Seng ka pyntip ruh ba kan sa pynkup burom ïa kito ki khynnah kiba pass kham shakhmat ha ki Exam bapher bapher.
Kumjuh ruh ka Seng Samla Mawlai Phudmuri ka maham ruh ïa kito kiba pynthut ïa ka shongsuk shongsaiñ kum kiba pynheh tape ha ki kali, hylla shnong khamtam ha kane ka por ba don ka exam ki khynnah samla, pynkut ka kyrwoh na u samla Shngainborlang Warparpih, Publicity Secretary ka SSMP.