Khlad kyndit ka longkmie ba shah tynrah ha ka thuk thuk ba ñiah khlem akor u nongñiah

Shillong, Naiwieng 13: Kawei ka Longkmie ka la duh noh kyndit kyndit ïa la ka jong ka jingim na ka jingshah tynrah ha ka thuk thuk ba la pynher sted bha da u nongñiah ba khlem akor jong uwei u briew bad kane ka la jia ha Mawlai Mawdatbaki, Lad Umjan. Kane ka jingjia ka la jia mynta ka janmiet Lah Sngi U Blei ha ka por kumba 6 baje eiei, ong ka khubor Pulit kiba ïathuh ba kane ka jingjia ka la jia ha ka por ba kane ka Longkmie ka dang jam sha shiliang ka surok ha ka shnong Umjan.
La pyntip ba ine I Longkmie i dei i kong Lary Iawrot ba 45 snem ka rta bad I dei iba shong ba sah ha Mawlai Kynton Massar.
Ki Pulit ki ïathuh ba ka jingjia hi ka la jia na ka jingpynher sted jong u nongñiah ka thuk thuk kaba don u nombor ML05-AA-6505, uba la leit tynrah beit beit ïa kane ka longkmie haduh ba kan da thiah lyngktar hapdeng ka jingphlei snam na ki bynta jong ka khlieh.
ïa kane ka Longkmie la pynkit noh mar mar da ki Pulit kiba la wanpoi ha katei ka jaka lem bad ki riew paidbah, sha Civil Hospital ba kan ïoh ïa ka jingsumar. Hynrei la pyntip da ki doktor kane ka hospital Sorkar ba kane ka Longkmie ka la khlad shuwa ban poi ha katei ka hospital.