Khlad ka kmie ieid bad khun ksiew ba shah bat bording ha Nar-ang

Nongpoh, Risaw 09: Ha kawei ka jingjia kaba sngewsih, kawei ka longkmie ryngkat bad iwei I khun ksiew ba dang 3 snem ka rta kila khlad noh hadien ba shah bat bording elektrik ha ka shnong Nar-ang ha Ri-Bhoi hadien ba uwei u sainar elektrik u la hap ha uwei u dieng snepkor ha phyllaw jong katei ka longiing.
Katkum ka jingtip bala ïoh lum la ïathuh ruh ba katei ka jingjia kala jia haka sngi U Blei haka por 12 baje eiei haka por ba baroh ki dang leit jingïaseng, hynrei namar ka jinghap jong u sainar elektrik ha uwei u sla snepkor, itei u khyllung ba dang 3 snem i ba dang lehkai ha phyllaw i la kum ktah ïa utei u slab a don ka bording, bad katei ka longkmie kaba dei ruh ka kmie ieid jong itei I khyllung ka la pyrshang ban leit ïarap hynrei kala shah bat lang noh haka bording elektrik ha phyllaw iing.
La ong ruh ba ha katei ka por la don ruh ki ba ïohi ïa katei ka jingjia ba itei I khyllung bad ka kmie kila thiah ha phyllaw, kila pyrta shnong bad mar mar kila pyrshang ban leit ïarap ban pynlip ïaka bording hynrei kaba sngewsih ka long ba kitei ki 2 ngut ka kmie ieid ryngkat bad ka khun ksiew kila khlad noh na kane ka sla pyrthei.
Katei longkmie kaba la khlad noh la tip kyrteng kum ka Kong Lut Shadap 53 snem ka rta bad halor katei ka jingjia naka liang ki pulit kila leit mar mar sha katei ka jaka bad kumjuh ruh naka tnad MeECL ban pynlong ka jingtohkit ban lap ïaka daw tynrai jong ka jingjia.
Halor katei ka jingjia naka liang ka FKJGP Umling Circle lyngba u Samla Banroy Wahlang kala pynpaw ka jingsngewkhia halor katei ka jingjia bala kynnoh ruh ba dei tang ka jingleh torti jong ka tnad MeECL, bad dawa ruh ba dei ban siew bai lutksan sha katei ka longiing kaba la duh noh 2 ngut ki mynsiem briew.