Nongpoh, Iaiong 14 : U wei u samla na ka jaidbynriew Garo u la khlad hashen hadien ba ki sainar electric u la hap kynsan ha ki bynta u ryndang jong u katba u dang niah ïa ka scooty. Kane ka jingjia ka la jia ha ka step 13 tarik Iaiong ha ka surok jong ka shnong Upper Jorbil, Ri Bhoi District.
Ka khubor ba la ïohlum, la ïathuh, ba une u samla u kyrteng u Robert M Marak 23 kyrteng, khun jong u Onil G. Momin ba shong basah ha ka shnong Model Village.La ïathuh ba u samla u dang ñiah ïa ka scooty kaba don ïa u number ML 10 D 5378, kaba dei jong u paralok jong u, hynrei hamar ba poi ha kawei ka jaka ha Upper Jorbil, u la ngat ha katei ka jingjia kaba sngewsih.
Ki riew paidbah kiba la poi ha katei ka jaka kim shym la nud ban leit tur ne ai jingïarap namar u sainar u dang don bor electric tad haduh ba la pyntip sha ki pulit ka Khanapara Police Station bad ki bor MeECL kiba la pynlip ïa ka bording, ba la lah ban tam noh ïa ka met jong u tei u samla.
Hadien ba la pyndep ïa ki jingtohkit, la aiti noh ia ka met jong u tei u lanot sha ki bahaïing kiba la pyndep pat ïa ka jingleh niam kaba khatduh.
