Nongpoh, Kyllalyngkot 13: Uwei u rangbah ula khlad na ka jingshah ïuh ha ka trok dumper mynta ka janmiet sngi Saitjain ha Quinine, Ri-bhoi District.
Kane ka trok ka dei kaba don u nomborMP 65 H 0287 bad la ïathuh ba kane ka trok ka la ïoh ïuh ïa uwei u rangbah briew haduh ba un da khlad syndon hajuh.
Katkum ka tyllong khubor, utei u rangbah u dei uba la tip kyrteng kum u Bilyfullstar Marbaniang, 35 snem ka rta ba shong ba sah haka shnong Umran Dairy.
Katei ka jingjia aksident ka la jia Katba utei u rangbah u dang pynïaid ïa ki kali kiba leit ba wan namar ba dang maramot ïa katei ka surok bad katei ka dumper katba ka dang ïaid da dien (Back Gear) ka la ïoh ban ïuh ïa utei u rangbah haduh ba ula khlad syndon.
La ïathuh ba u draibar jong kane ka trok u la phet krad syndon na katei ka jaka.
Ki pulit ki la leit ban tohkit ïa kane ka jingjia bad ïa ka met jong utei u rangbah la pynkit noh sha civil hospital, Nongpoh ban pyndep ïa ka Postmortem .
