Khangkdong ki pulit ïa ka trok kit blanket na Kashmir bym don ki kot ki sla ba biang

Shillong, Risaw 16: Hadien ka jingïoh jingtip kaba thikna ki pulit ha ka 12 tarik mynta u bnai, ha ka por 9.30 baje mynmiet, ki la ïoh ban khangkdong ïa kawei ka trok kaba don u number UP-15DT-9854 ba la ñiah da u Rafiq, kaba dangkit ïa ki blanket ka DBDP kaba na jylla Kashmir, kaba la thmu ban leit pynpoi sha uwei u briew uba kyrteng u Amar Dan Charan na Baghmara (SGH), khlem da don ki kot ki sla kiba biang, laitnoh tang ka tax invoice paper da ka letter head jong ka Vinayak Construction kaba ym don pat ka jingïadei bad ka HSN code jong ki blanket. Hynrei kham hadien pat la wanmih u Amar Dan Charan ha Dobasipara BH (WGH) da kaba kam ba u dei u nongthied ïa ki blanket, hynrei u khlem lah pat ban pyni ïa ki kot ki sla kiba treikam.