Khliehriat, Nailar 05 : Ki pulit jong ka Khliehriat Police Station ki la kem noh ïa ki lai ngut ki briew kiba la suba ba ki don kti ha kaba pyniap dusmon ïa uwei u rangbah u (L) Ting Chyrmang, uba na ka shnong Jalaphet Bri Sumer ha ka miet syñia sngi u Blei ha ka por 12.30 tam mynmiet.
Kitei kiba shah kem ki dei kiba la tip kyrteng kum u Emburom Pasleiñ, u Phormi Pasleiñ bad u Hoiki Tangliang kiba na ka shnong Lakaseiñ, ïa ka ejahar pyrshah ïa kine la register ha Khliehriat Police Station bad ka jingtohkit ka dang iaid shakhmat.
