Amlarem, Nailar 05: U Sub-Divisional Officer (Supply), Amlarem Civil Sub-Division, ula pyntip sha baroh ki Nongbam Khaw Rashon kiba hap hapoh ka National Food Security Act (NFSA) lyngba ka tnad Department of Food & Public Distribution ba ka Sorkar pdeng ka la pynbna ba mynta, ki Nongbam Khaw Rashon la lah ban leh/pyndep ïaka e-KYC ha kano kano ka State ba ki don khlem donkam shuh ban leit phai sha la ki jong ki State ban pyndep ne leh ïaka tei ka kam.
Kane kan pynsuk shibun eh khamtam ïa ki Migrant Workers khnang ba kin lait na ka jingshitom jong ka leit ka wan haka ba ïadei bad katei ka kam e-KYC, kaba dei ruh kaba donkam bha haka kam Khaw Rashon.
