Shillong, Jylliew, 27: Ki shipai BSF jong ka 4th Battalion ha ka Lah Sngi u Blei ki la ïohlem san ngut ki mynder Bangladeshi bad ngut ki nong India na surok Dawki-Amlarem kiba jam beaiñ shapoh u pud u sam jong ka ri India na West Jaiñtia Hills.
Kine ki mynder Bangladeshi ki dei kiba sah ha ka shnong Sylhet bad Habibganj, Bangladesh.
Ha ka jingtohkit ki la phla ba ki la wan rung tuh da ka jingthmu ban wan sah duh ha ri India. Ki BSF ki la kem ruh ïa u nongñiah kali halor ka jingdonkti ban kit be-aiñ ïa kine ki mynder ri.
Ïa ki 10 ngut kiba la shah kem ryngkat bad ki tiar ki tiar ba la kurup na ki, la aiti noh sha ki Pulit jong ka Dawki Police Station, West Jaiñtia Hills na ka bynta ban pynlong shuh shuh ïa ka jingtohkit kaba bniah.
Haduh mynta ki shipai BSF ki la ïohkem 26 ngurt ki mynder Bangladeshi naduh u Kyllalyngkot, 2023 kiba la wan rung be aiñ da ka jingthmu ban shong duh junom ha ri India.
