Kem ding kynsan ka trok kit tiar ha Shangbangla, lait thaw u nongñiah bad nongbud naka jingmynsaw
![](https://mawphor.com/wp-content/uploads/2023/03/WhatsApp-Image-2023-03-10-at-5.16.14-PM.jpeg)
Nongpoh, Lber 10: Kawei ka trok 6 shaka kaba dang mih na Guwahati ban leit sha Shillong kaba kit ïa u Atta, Amul, Urea Oil bad kiwei kiwei, kala kem ding kynsan hynnin ka miet shiteng synñia ha lynti ba ka dang ïaid haka shnong Shangbangla ha Ri-Bhoi, District bad donbok ha katei ka jingjia u nongñiah bad nongbud kila lait thaw naka jingmynsaw.
Kat kum ka khubor bala ioh lum katei ka jingjia kala jia haka por kumba 12 baje eiei shiteng synñia ha kaba ïa katei ka trok kaba don ïa u Registration number AS 11 D 3353 kaba kit ïa kitei ki tiar kyntup ruh ki umphñiang, ki jri taiar, la ñiah da u Somsul Sul Islam na Silchar Assam, hynrei khlem tip na kaei ka daw katei ka trok kala kem ding kynsan naki bynta jong ka engine ha kaba utei u nongñiah um don jingtip eiei, hynrei dei hadien ka jingïathuh jong ki para nongñiah, u la hiar mar mar naka kali ryngkat u nongbud ban lait naka jingjia ba sngewsih bad ka jingmynsaw.
Ha katei ka jingkem ding katei ka trok kala ingkhong khaid namar ka jingklang jong ka ding naka jingdon ki umphñiang ba kit hapoh katei ka trok kaba la wanrah ïaka jingjulor kaba khraw. Kumba 3 tylli ki kali pynlip ding kila poi ha katei ka jaka hynnin ka miet hynrei namar ka jingklang ka ding katei ka trok kala ingkhong khaid bad haduh mynta mynstep naka liang ki pulit pynlip ding ki dang ïakhun ban pynlip ïaka ding.
Ki pulit ka Ri-Bhoi mar sien ioh jingtip halor katei ka jingjia kila leit mar mar sha katei ka jaka ban pynlong ka jingtohkit ha kaba la suba ba ka jingkem ding katei ka trok ka dei naka daw ka jing short circuit jong ki wire haki bynta jong katei ka trok, bad ka jingtohkit halor katei ka jingjia ka dang ïaid shakhmat.