Mynjur ka JHADC ïa ka Mang Tyngka kaba palat 205.19 klur Tyngka

Jowai, Lber 10: Ka Dorbar mang tyngka jong ka Jaiñtia Hills Autonomous District Council (JHADC) Jowai kaba la sdang naduh hynnin ka sngi 9 tarik u Lber la pynkut mynta ka sngi 10 tarik u Lber, 2022 bad ïa kane ka Dorbar la pynïaid da u Chairman ka JHADC Dr. Sankey Shangpung bad la mynjur ïa ka mang tyngka na ka bynta ka jingpyllut jong ka snem 2023-2024 kaba kot T.205,19,52,500.00 (Arspah san klur khadkhyndai lak sanphew ar hajar san spah) tyngka katba ka jingmit pat ka long T.174,59,38,400.00 (Shispah Hynñiewphew saw klur san phew khyndai lak lai phew phra hajar saw spah) tyngka.
Katkum ka report ba la wanrah na ka bynta ka jingpynlut ka Council la pynbynta sha ki 17 tylli ki tnad treikam hapoh jong ka JHADC katba ïa ka Fishery and Agriculture la pyndam noh ha kane ka mang tyngka.
Kine ki tnad kiba kynthup ïa ka General Administration kaba long T.12,33,92,000 tyngka, Finance & Accounts Department T.28,77,08,700 tyngka, Land Revenue & Land Reform Department T.10,73,19,000 tyngka, Land Record & Land Settlement Department T.6,50,72,200 tyngka, Taxation Department T.4,49,22,600 tyngka, Forest Department T.22,07,83,300 tyngka, Political Department T.4,35,61,800 tyngka, Civil Works Department T.56,72,95,000 tyngka, Education Department T.23,85,02,900 tyngka, Art and Cultural Department T.2,31,94,300 tyngka, Market Department T.17,20,68,200 tyngka, Statistics and Information Department T.1,26,12,100 tyngka, Stationary & Printing Department T.1,41,74,500 tyngka, Planning Department T.1,19,63,600 tyngka, Judicial Department T.3,01,62,700 tyngka, Legislative Department T.7,94,26,800 tyngka, Village and Town Administration Department T.97,92,000 tyngka.
Hadien ba la dep pynsngew da ki MDC ba dei peit i/c ïala ki jong ki tnad treikam na ka liang ka Dorbar kala pdiang ïa katei ka mang tyngka (2023-2024).