Nongpoh, Naitung 28: U nongñiah jong kawei ka trok kit clinker u la mynsaw ha kawei ka jingjia aksiden kaba la jia ha kawei ka petrol pump ha 17 mer Ri-Bhoi District.
Katkum ka jingtip ba la ïoh lum la ong ba kane ka jingjia ka la jia haka step jong ka 28 tarik Naitung 2026 hadien ba kawei ka trok kaba don ïa u number AS 01 UC 5013 kaba kit clinker kala leit ban tynrah ïa kawei pat ka trok kaba don ïa u number NL 01 AA 6013 kaba dang thep umphñiang ha petrol pump hadien ba u driver um lah shuh ban tehlakam ïaka kali hadien ba ka jaka thep umphniang jong katei ka petrol pump kala julor.
Ha kane ka jingjia u nongñiah katei ka trok kit clinker u la mynsaw bad pynkit noh mar mar sha Byrnihat PHC bad namar ka jingmynsaw kaba kham jur la pynkynriah noh sha ARHI hospital ha Jorabat bad naka liang ki pulit ki dang pynlong ka jingtohkit halor kane ka jingjia.
